Conas is féidir linn cabhrú?

Déanfaimid iarracht amháin ar a laghad seachadadh chuig an seoladh, mura mbíonn aon duine ann le glacadh leis an mbeartán fágfaimid nóta “Brón orainn gur chaill muid tú!” le míniú conas é a fháil.  Míneofar na roghanna atá ann leis a mbeartán a bhailiú ó cheann dár n-ionaid nó is féidir leat athsheachadadh a eagrú ar líne. Mura mbeidh tú sa bhaile, is féidir ionad sábháilte a eagrú ionas nach gcaillfidh tú an seachadadh. Is féidir áit shábháilte thirim atá as radharc, nó comharsa, a roghnú. Cláraigh anois ag anpost.com/signup chun ionad sábháilte a eagrú.

Ní chuirfidh An Post aon teachtaireacht riamh ina mbeidh naisc nuair a dhéantar teagmháil leat maidir le muirir chustam a íoc. 

Chomh maith leis sin, laistigh de chúpla lá tar éis SMS nó ríomhphost a fháil ó An Post gheobhaidh tú cárta poist oifigiúil ó An Post le sonraí na muirear custam (cárta fógra muirear custam lena mbaineann Téarmaí agus Coinníollacha ar leith). 
Is féidir leat íoc thuas. Beidh d’uimhir rianú agus aimsiú agus an uimhir thagartha a tugadh san SMS/ríomhphost ag teastáil nó is féidir do shonraí tagartha a thabhairt chuig aon oifig poist. 

Má bhíonn tú in amhras riamh faoi theachtaireachtaí scéiméireachta tá breis faisnéise ar ár leathanach slándála le cabhrú leat teachtaireachtaí dlisteanacha agus scéiméireachta a aithint. 

   Má cheannaíonn tú earraí as lasmuigh den AE d’fhéadfadh go mbeidh ort muirir chustam a íoc (Dleacht Custam, Dleacht Máil, CBL) le Coimisinéirí Ioncaim na hÉireann. 

Bailíonn An Post na muirir chustam seo uait agus íocann sé iad leis na Coimisinéirí Ioncaim ar do shon. 
Tá sé éigeantach do An Post na muirir chustam seo a bhailiú, ní féidir leis An Post d'earraí a sheachadadh go dtí go mbíonn na muirir seo íoctha. 

Tá foireann de chuid Custaim na gCoimisinéirí Ioncaim bunaithe in Ionad Poist An Post le maoirsiú a dhéanamh ar imréiteach custam earraí iompórtáil.

Ní mór don seoltóir sonraí custaim leictreonacha comhlíontacha a sholáthar maidir le gach mír phoist neamh-AE a thagann isteach. Tá go leor miondíoltóirí beaga speisialaithe sa Bhreatain nach bhfuil ar an eolas faoi na riachtanais seo agus/nó nach bhfuil na córais riachtanacha siopadóireachta ar líne curtha i bhfeidhm acu le hearraí a dhíol go hÉirinn, rud a fhágann go mbíonn moill Chustaim nó earraí á gcur ar ais nuair a thagann na beartáin seo go hÉirinn. Iarrtar ort a bheith foighneach agus oibreoimid chun aghaidh a thabhairt ar an bhfadhb seo agus ar cheisteanna leanúnacha eile.

Bailíonn An Post muirir chustam thar do cheann mar atá gearrtha ag na Coimisinéirí Ioncaim ar earraí a seachadtar go hÉirinn ó thíortha neamh-AE. Ionas gur féidir do bheartán a phróiseáil agus a sheachadadh, ní mór na muirir seo a íoc.
Má bhíonn dleacht custam nó CBL dlite ar an earra, déanfaimid teagmháil leat sa phost, le téacs nó le ríomhphost, nuair is féidir. Is féidir leat ansin an táille custam a íoc thuas nó i d'Oifig Poist áitiúil. Déanfaimid d’earra a sheachadadh a luaithe is féidir nuair atá an íocaíocht faighte.
Mura bhfuil muirear custam nó CBL ar bith dlite ar an earra, déanfar an t-earra a sheachadadh mar is gnách. 

• Má cuireadh d’earra poist ar ais chuig an seoltóir nó má tá tú ag fanacht le heolas chun dáta a fháil maidir le d’earra, is dócha go raibh an dearbhú custam leictreonach a rinne an miondíoltóir/seoltóir neamhleor nó neamhbhailí, de réir na rialachán Custam. Ní féidir le An Post an dearbhú custam a leasú agus mar sin, ní mór earraí lena mbaineann sonraí neamhiomlána a sheoladh ar ais. 
• Féadfaidh go mbaineann na hearraí laistigh de do bheartán le catagóir earraí a bhfuil cosc nó srian curtha orthu ag Coimisinéirí Ioncaim na hÉireann.  
• Maidir le hearraí neamhshrianta/coiscthe, beidh ort teagmháil a dhéanamh leis an seoltóir agus iarraidh orthu dearbhú custam agus na sonraí iomlána luaite air a chur isteach le d’earra agus é á athsheoladh. Cabhraíonn ár nAimsitheoir cód TARIC le miondíoltóirí tuiscint a fháil ar an eolas riachtanach. 
• Seolfar d’earra ar ais chuig an seoltóir murar íocadh an táille custam faoin dáta “íoc faoin dáta seo”. 

Gearrtar muirir chustam ar an mhórchuid d’earra í a iompórtáiltear de réir na dlíthe ábhartha. Bailíonn An Post na muirir seo agus íocann sé iad leis na Coimisinéirí Ioncaim ar do shon.
Féadfaidh An Post táille a ghearradh chun an t-earra a láimhseáil, a bhailiú agus a phróiseáil. Nuair is infheidhme, cuirfear an muirear seo le muirir chustam a ghearrann na Coimisinéirí Ioncaim ar d’earra. Tá an táille ann chun costais riarachán bhailiú agus a phróiseáil na híocaíochta ón seolaí a chlúdach.