Post Cláraithe: slándáil agus suaimhneas intinne

Faigh tuilleadh eolais faoinár dtreoirlínte méide agus meáchain agus faigh leideanna maidir le do bheartán a ullmhú le postáil. Má tá earraí de luach ard, amhail seodra, ticéid, pasanna nó víosaí á seoladh go dtí an RA, úsáid PakSafe le haghaidh seachadadh slán.

Seiceáil liosta earraí toirmiscthe An Post, lena n-áirítear liosta iomlán d'earraí nach gceadaítear ar na seirbhísí poist.
 
Cé go nglactar le hairgead tirim, níl sé clúdaithe ag árachas faoin seirbhís Poist Chláraithe. Molann An Post gan airgead a sheoladh sa phost agus tá réimse seirbhísí á thairiscint chun airgead a aistriú go sábháilte.

Cuirtear clúdach árachais ar fáil don luach fógartha suas le:

• €320 le haghaidh poist go hÉirinn agus chuig an RA
• €150 le haghaidh poist go dtí an Eoraip
• €100 le haghaidh beartán agus €35 le haghaidh gach earra eile a sheoltar lasmuigh den Eoraip

Tá árachas breise ar fáil le haghaidh earraí a sheoltar laistigh de Phoblacht na hÉireann. Tá muirear de €4.50 infheidhme ar chlúdach suas le €1,500 agus muirear de €5.50 ar chlúdach suas le €2,000.

Glacfar leis na hearraí a leanas ar Phost Cláraithe ach níl árachas orthu:

• Dréachtaí bainc
• Airgead tirim agus boinn airgid
• Cáipéisí
• Gloine agus earraí sobhriste eile
• Seodra
• Pasanna
• Miotail luachmhara amhail platanam, ór nó airgead
• Dearbháin le haghaidh luach airgid

Nuair a bhíonn pacáistí nó beartáin á seoladh chuig cinn scríbe lasmuigh den Aontas Eorpach, tá dearbhú custaim comhlánaithe riachtanach agus tá sé ar fáil ó d'oifig poist. Cuireann An Post dhá fhoirm chustaim ar fáil:

• An CP72 le haghaidh beartán nó earraí le luach níos mó ná €300
• An CN22 le haghaidh gach earra eile

Ní mór Dearbhú Slándála Eitlíochta a cheangal le haon phaicéad nó beartán ina bhfuil earraí á seoladh laistigh den AE, seachas Tuaisceart Éireann, d'fhonn comhlíonadh rialacháin slándála aerlínte a chinntiú.
Ní dhéanfar earraí Post Cláraithe Idirnáisiúnta a sheachadadh go dtí go síneofar ar a son. Is féidir cóip den síniú a fháil ar iarratas ón oibrí poist atá ag seachadadh agus beidh sé sin ar fáil ansin ó Sheirbhísí Custaiméirí An Post ar 353 (1) 705 7600.

Tá rianú le haghaidh Post Cláraithe Idirnáisiúnta ar fáil suas go dtí go seoltar é ó Phoblacht na hÉireann ach níl rianú ar líne ar fáil le haghaidh gach tír.

Is féidir fiosruithe maidir le hearraí cláraithe a dhéanamh mar a leanas:

• Foirm le haghaidh Cailliúint, Moill nó Damáiste a chomhlánú
• Scríobh chuig Seirbhísí do Chustaiméirí An Post, Ard-Oifig an Phoist, Sráid Uí Chonaill Íochtar, Baile Átha Cliath 1, D01 F5P2

Is ceart gach fiosrú a dhéanamh laistigh de mhí ón bpostáil le haghaidh earraí a seoladh laistigh d'Éirinn agus sé mhí ón dáta postála le haghaidh earraí idirnáisiúnta.

I gcás nach mbíonn d'earra cláraithe faighte ag an seolaí, déanfaidh An Post é a chúiteamh leat faoi réir ag coinníollacha áirithe.
Nuair a bhíonn earra á chlárú, ní mór duit a luach athsholáthair a fhógairt mar go mbraitheann an cúiteamh ar an luach fógartha. Nuair nach bhfógraítear aon luach tá uasmhéid de €25.39 iníoctha. Tá teorainn €12.70 ar chúiteamh le haghaidh boinn airgid.

Post Cláraithe
2. (25) Ciallaíonn "Paicéad Poist Cláraithe" Paicéad Poist atá cláraithe de réir Coinníoll 15.
 
15. c) Ar choinníoll, i gcás atreorú Paicéad Poist Cláraithe, nach mbeidh feidhm le fo-mhír 2 (b) den Choinníoll seo agus mura réamhíocfaidh an duine a thugann an Paicéad Poist ar láimh le clárú na Muirir ar an bPaicéad Poist, eiseofar Deimhniú Postála ag rá nár íocadh na Muirir sin don seoltóir agus is ceart don seoltóir é a choinneáil.

15. (2) (e) Féadfaidh An Post Leabhar Postála ar a bhfuil  na focail "Deimhniú Postála" scríofa a eisiúint do sheoltóir, agus féadfaidh An Post deimhniú postála a fhormhuiniú, ar phostáil an Phaicéad Poist le Post Cláraithe, trí stampa dáta Oifig Poist a ghreamú ar an Leabhar Postála ag an iontráil a thaispeánann seolaí an Phaicéad Poist Cláraithe agus luach an inneachair mar atá dearbhaithe ag an seoltóir.

15. (3) Nuair a dhéantar seachadadh ar Phaicéad Poist Cláraithe tabharfaidh an seolaí nó a sheirbhíseach nó a ghníomhaire admháil scríofa ar a shon sa bhfoirm a ordaíonn An Post Má dhiúltaíonn an duine sin nó a sheirbhíseach nó a ghníomhaire admháil den sórt sin a thabhairt féadfar an Paicéad Poist Cláraithe a choinneáil siar agus déileáil leis nó é a dhiúscairt ar cibé modh a ordóidh an Post dá rogha féin.

15. (4) Mura bhfuil An Post in ann admháil scríofa a fháil ag seoladh an tseolaí, féadfaidh cuireadh a thabhairt don seolaí, dá sheirbhíseach nó dá ghníomhaire an Paicéad Poist Cláraithe a bhailiú in áit eile faoi réir admháil scríofa a bheith tugtha ag an seolaí, a sheirbhíseach nó a ghníomhaire sa bhfoirm atá ordaithe ag An Post.

15. (5) I gcás go n-iarrann an Seoltóir é, maidir le Paicéad Poist Cláraithe nach bhfuil aon earra ann atá liostaithe sa Tríú Sceideal agus atá faoi réir ag an Seoltóir na Muirir a leagtar amach sa Sceideal Muirir a íoc, leagtar síos na teorainneacha ar chúiteamh ní bheidh feidhm na teorainneacha ar chúiteamh atá leagtha amach i gCoinníoll 16 (3) agus beidh feidhm ag na teorainneacha a shonraítear sa Sceideal Muirir ina ionad.

15. (6) Nuair nach féidir seachadadh dlite a chur i gcrích, féadfaidh An Post duillín a fhágáil ag seoladh an tseolaí nó an tseoltóra, féadfaidh An Post duillín a fhágáil ag seoladh an tseoltóra nó an tseolaí le cur in iúl cén áit agus cathair is féidir an Paicéad Poist a bhailiú. Féadfaidh seolaí nó seoltóir Paicéad Poist Cláraithe a bhailiú ag na hamanna atá leagtha amach ar an duillín agus faoi réir ag íocaíocht na Muirear atá sonraithe i Sceideal na Muirear. Is féidir Paicéid Poist Cláraithe a choinneáil ar feadh 3 Lá Oibre.

16. (3) Faoi réir ag Coinníoll (16)(5) má chailltear nó má dhéantar damáiste d'aon ábhar le luach airgid laistigh de, nó mar chuid de Phaicéad Poist Cláraithe agus é i gcúram An Post, íocfaidh An Post cúiteamh le haon duine nó daoine a bhunaíonn éileamh réasúnach ar an gcúiteamh sin (ag féachaint do nádúr an earra, don chúram lenar pacáladh é, na Muirir atá íoctha ag an seoltóir, agus imthosca eile), faoi réir ag na teorannacha a leanas-  16 (3) (d) Beidh an cúiteamh is iníoctha maidir le Paicéad Poist Cláraithe: (i) atá le seoladh aon áit lasmuigh den Eoraip (ar Paicéad Poist seachas Beartán é) teoranta go €35, teoranta do €100 móide Muirir íoctha; (ii) le seoladh san Eoraip seachas an Ríocht Aontaithe agus Tuaisceart Éireann teoranta  do €150 móide Muirir íoctha; (iii) le seoladh chuig an Ríocht Aontaithe agus Tuaisceart Éireann teoranta do €320, móide Muirir íoctha.

16. (5) Ní íocfar cúiteamh ar son:
(f) ar son aon airgead nó seodra a sheoltar sa phost ach amháin má tá sé i bPaicéad Poist Cláraithe a sheoltar chuig seoladh sa Stát nach sáraíonn 2kg i meáchan.
Liosta Earraí Toirmiscthe (2) Paicéad Poist (i) ina bhfuil Pas ach amháin má tá sé istigh i bPaicéad Poist Cláraithe Intíre a mheánn níos lú ná 2kg

Léigh na Téarmaí agus Coinníollacha