Seoladh chuig na daillCiallaíonn “Seirbhísí Poist do Dhaill” Litreacha, Litreacha Móra, Paicéid (lena n-áirítear Paicéid Phoist Choigríche a bhfuil suas le 7 gcileagram meáchain iontu) agus Beartáin (gan Beartáin Choigríche a áireamh) nach bhfuil níos mó ná 7 gcileagram meáchain iontu agus ina bhfuil:
(a) leabhair agus páipéir (lena n-áirítear litreacha chuig daoine dalla nó uathu), clóite nó ullmhaithe ar shlí eile le haghaidh úsáid na ndall, (b) páipéar a sheoltar chuig aon duine chun a bheith clóite nó ullmhaithe amhlaidh, (c) léarscáileanna rilífe, (d) meaisíní, frámaí agus ceangaltáin chun cló a dhéanamh le haghaidh úsáid na ndall, (e) frámaí agus feistis scríbhneoireachta peann luaidhe, (f) clár braillette agus pionnaí miotail dó, (g) feiste theagaisc de braille, (h) na hearraí seo a leanas arna seoladh nó arna bhfáil ag daoine nó ag institiúidí a rinne socruithe speisialta chun sástacht an Phoist maidir le tarchur earraí den sórt sin: (i) cluichí (lena n-áirítear cluichí cártaí) atá saindeartha nó oiriúnaithe le haghaidh úsáid na ndall, (ii) fearais mhatamaiticiúla agus ceangaltáin atá saindeartha nó oiriúnaithe le haghaidh úsáid na ndall, (iii) taifid ghutha ar dhioscaí, scannáin, téip nó sreang, (iv) plátaí miotail atá clóite nó seolta chun iad a chló le haghaidh úsáid na ndall, (v) bulcsholáthairtí cumhdach agus lipéad lena n-úsáid ar phaicéid le haghaidh na bulc-soláthairtí do dhaill, (vi) uaireadóirí, cloig agus uaineadóirí braille a tháirgtear nó a oiriúnaítear go speisialta le haghaidh úsáid na ndall, (vii) uirlisí, áiseanna agus ionstraimí beachtais atá saindeartha nó oiriúnaithe le haghaidh úsáid na ndall, 6 théarmaí agus choinníollacha poist píosa aonair (viii) rialóirí agus tomhais atá saindeartha nó oiriúnaithe le haghaidh úsáid na ndall, (ix) bataí siúil rannacha nó inleacaithe le haghaidh úsáid na ndall.”
3. (2) Seolfar Seirbhísí Poist do Dhaill leis an bpost saor ó Tháille agus beidh tarchur na seirbhísí sin faoi réir na dtéarmaí agus na gcoinníollacha seo.
Seirbhísí Poist do Dhaill 13. Beidh feidhm ag na forálacha seo a leanas maidir le Seirbhísí Poist do Dhaill :- (1) Beidh an inscríbhinn “Seirbhísí Poist do Dhaill” nó i gcás Paicéad Poist Coigríche “Litríocht do Dhaill” agus ainm agus seoladh scríofa nó clóite an tseoltóra ar gach Paicéad Poist. (2) Féadfar gach Paicéad Poist a scrúdú sa phost. (3) Déanfar gach Paicéad Poist a phostáil gan chlúdach nó i gclúdach ar féidir é a bhaint go héasca chun iad a iniúchadh. (4) Ní bheidh aon earra nach earra chun úsáide na ndall é i bPaicéad Poist seachas lipéad a bhféadfadh ainm agus seoladh an duine a mbeidh an Paicéad Poist le cur ar ais chuige a bheith air. (5) Ní bheidh aon chumarsáid ná inscríbhinn i scríbhinn ná i ngnáthchló i bPaicéad Poist (ach amháin teideal, dáta foilsithe nó monaraithe, sraithuimhir, ainmneacha agus seoltaí an chlódóra agus an fhoilsitheora nó an mhonaróra, praghais agus clár ábhair an leabhair nó an pháipéir agus an eochair nó na treoracha chun aon chló speisialta nó aon earra iata a úsáid). (6) Ní bheidh stampaí ná foirmeacha stampaí ná foirmeacha ina dtaispeánfar réamhíocaíocht, ná aon pháipéar a sheasann do luach airgid, cibé scriosta nó a mhalairt, in aon Phaicéad Poist a thugtar do An Post mar Phaicéad Poist atá le seachadadh trí Sheirbhísí Poist do na Daill. (7) D'ainneoin aon ní sna téarmaí agus coinníollacha seo, féadfaidh ainm, ionad, gairm, gnólacht agus seoladh an tseoltóra agus an tseolaí, dáta an tseolta, síniú, nó uimhir theileafóin, seic poist nó cuntas bainc an tseoltóra, chomh maith le sraithuimhir nó uimhir aitheantais a thagraíonn don Phaicéad Poist amháin, a bheith i bPaicéad Poist atá le seachadadh ag An Post trí úsáid trí na Seirbhísí Poist do na Daill, a bheith de láimh nó trí phróiseas meicniúil. (8) Ní rachaidh Paicéid Phoist a sheachadfaidh An Post agus úsáid á baint as Seirbhísí Poist do Dhaill thar 7 gcileagram.
Léigh Téarmaí & Coinníollacha |
