Skip to main content
Photograph looking down on an An Post building with a line of An Post zero emission vehicles driving out.

An t-aistear go dtí seo

Obair Fhiúntach agus Fás Eacnamaíoch

Forbhreathnú


In 2021, glacadh céimeanna suntasacha inár dturas i dtreo na hinbhuanaitheachta le bheith ar an gcéad chuideachta mhór in Éirinn chun deireadh a chur leis an mbearna inscne pá agus seoladh Institiúid Ghlas An Post atá mar chuid dár dtiomantas ár bpíblíne bainistíochta agus  ceannaireachta a fhorbairt chun ceannaireacht inbhuanaithe a chinntiú don todhchaí.  Sonraítear sa tábla thíos na bearta eile atá bainte amach againn maidir le hObair Fhiúntach agus Fás Eacnamaíoch in 2021

Éagsúlacht, cothromas agus cuimsiú
 
Senior An Post staff members around a boardroom table.

Éagsúlacht, cothromas agus cuimsiú

Táimid ag iarraidh ionad oibre cuimsitheach a fhorbairt ina mbraitheann gach duine go nglactar leo, go bhfuil tacaíocht acu agus go bhfuil meas orthu – áit inar féidir le gach fostaí rochtain a fháil ar dheiseanna agus ar acmhainní agus inar féidir leo a bhfíornádúr a léiriú ina gcuid oibre.  Creidimid, dá mhéad a chothaímid timpeallacht chomhoibritheach agus a mbíonn meas againn ar dhifríochtaí, is ea is cóngaraí a bheimid do mhaireachtáil i bpobal fíorchuimsitheach cosúil leis na cinn a ndéanaimid freastal orthu. Tá cúig réimse fócais inár straitéis: inscne, cumas, idirghlúin, eitneachas, agus LGBTQ+.
Gender

Inscne

In 2021, ba muid an chéad chuideachta mhór in Éirinn a chuir deireadh leis an mbearna phá idir na hinscní. Rinneamar roinnt gníomhartha freisin le druidim níos gaire dár dtiomantas do chothromaíocht inscne a bhaint amach, mar shampla úsáid bogearraí chun claonadh inscne a bhaint as ár bpróifílí róil go léir, ag cinntiú go bhfuil na gearrliostaí dár róil bhainistíochta cothrom ó thaobh inscne de agus ag bunú an clár Réamh-Mheantóireachta do bhainisteoirí, agus tosaíocht á tabhairt do bhainisteoirí mná i mbliain 1. Is féidir leat tuilleadh a léamh faoin gcaoi ar bhain muid an chloch mhíle seo amach lenár n-athruithe dearfacha sa Tuarascáil maidir le Bearna Pá Inscne 2021.
Older couple laughing with a child

Cumas

Faoi láthair tá 4.4% dár bhfostaithe tar éis míchumas a nochtadh do An Post, agus sáraíonn sé seo an sprioc fostaíochta 3% do dhaoine faoi mhíchumas atá sonraithe san Acht um Míchumas 2005. Chun tacú linn lenár n-uaillmhianta i leith níos mó daoine faoi mhíchumas a earcú agus a fhostú, leanamar lenár gcomhpháirtíochtaí le hIonad na Tríonóide do Dhaoine faoi Mhíchumas Intleachta (TCPID) in 2021. Chomh maith leis sin, chuamar i bpáirt le seirbhís Thionscnamh na nDoirse Oscailte ‘Fostóirí ar son Athraithe’  chun cabhrú le níos mó daoine faoi mhíchumas iarratas a dhéanamh ar phoist laistigh de An Post.
Older couple laughing with a child

Idirghlúin

Tuigimid na buntáistí a bhaineann le hionad oibre ina bhfuil éagsúlacht idirghlúine agus tuigimid go bhfuil nósanna, iompraíochtaí agus roghanna uathúla ag glúine éagsúla. D'fhonn tacaíocht shaincheaptha a thairiscint dár bhfostaithe idirghlúine, in 2021 chuireamar socruithe solúbtha oibre ar fáil agus d’eagraíomar cúrsaí oiliúna i bpleanáil scoir. Rinneamar athbhreithniú freisin ar ár mBeartas Scoir chun a chinntiú go léiríonn sé riachtanais agus ionchais reatha, agus go dtacaíonn sé lenár bhfostaithe agus iad ag aistriú chuig dul ar scor.
Culturally diverse employees

Eitneachas

In 2021, reáchtáil muid roinnt imeachtaí áitiúla a dhéanann ceiliúradh ar éagsúlacht chultúrtha ár bhfostaithe, ar nós aitheantas a thabhairt do na teangacha éagsúla a labhraítear inár nIonad Poist i mBaile Átha Cliath. Aithnímid go bhfuil níos mó oibre le déanamh againn lena chinntiú go ndéanaimid ionadaíocht ar na pobail a ndéanaimid freastal orthu agus déanfaimid suirbhé cuimsithe a reáchtáil in 2022 chun tuiscint níos fearr a fháil ar riachtanais ár bhfostaithe ó chúlraí eitneacha éagsúla agus chun díriú orthu níos fearr. Cuirfidh sé sin ar ár gcumas tionscnaimh a thabhairt isteach a mbeidh fíorthionchar buan acu.
THE BROD logo

LGBTQ+

Tugaimid tacaíocht ghníomhach don phobal LGBTQ+ in An Post. In 2021, bhunaíomar Bród@anpost, grúpa fostaithe LGBTQ+ ina bhfuil fostaithe agus comhghuaillithe díograiseacha ar féidir leo teacht le chéile i spás sábháilte chun cabhrú leis an gclár oibre LGBTQ+ a chur chun cinn.
Táimid i mbun iniúchadh freisin ar conas teidil 'Mx' a chur i bhfeidhm d'fhostaithe ar fud ár gcórais inmheánacha.

Conarthaí uaireanta nialasacha

Tá An Post i gcoinne ainmheasarthacht an gheilleagair ghig. Táimid tiomanta do ghairmeacha sásúla slána, le deiseanna forbartha gairmiúla, a chur ar fáil dár bhfostaithe go léir. In 2021, chloíomar lenár dtiomantas gan conarthaí uaireanta nialasacha a dhéanamh.

Tuilleadh faoi bheith ag obair le An Post

Sláinte agus sábháilteacht ár bhfostaithe
 

Example of Cov-19 mitigation measures in place

Cultúr sábháilte agus tacúil a chruthú

Is príomhthosaíocht é sláinte, sábháilteacht agus leas ár bhfostaithe. Leanamar le bearta maolaithe COVID-19 amhail glanadh feabhsaithe, soláthar maisc ghrád leighis, trealamh 'obair ón mbaile', córais aontreo, scaradh dhá mhéadar, agus seachadtaí gan teagmháil. Chinntigh na bearta rathúla seo go rabhamar in ann oifigí poist agus bealaí seachadta a choinneáil ar oscailt agus bainistiú leanúnach a dhéanamh ar an méadú urghnách ar mhéideanna beartán a bhí ann mar gheall ar an mborradh a tháinig ar ríomhthráchtáil.
 
Trained driver talk to a member of the public

Sláinte agus sábháilteacht

Tá feithiclí ina rioscaí móra dár dtiománaithe agus do na pobail a bhfreastalaíonn siad orthu. Ar mhaithe le gach duine a choinneáil slán, cuirimid oiliúint ar ár dtiománaithe go léir maidir le coscánú, sábháilteacht dóiteáin, ró-luas, cosc a chur ar rolláil gan smacht, agus cothabháil feithiclí. Trínár gcláir oiliúna, tá ár dtaifead sábháilteachta ar bhóithre á fheabhsú go leanúnach againn. Dá thoradh sin, bhí feabhas 25% ar ár Ráta Timpistí Tráchta Bóthair, titim ó 0.57 in 2020 go 0.43 in aghaidh gach 1 mhilliún km in 2021.
Employee Wellbeing

Folláine Fostaithe

Le linn 2021 dhíríomar ar thacaíochtaí nua a chur i bhfeidhm le cinntiú go ndéanaimid an oiread agus is féidir chun eagraíocht shona shláintiúil a chothú, ar nós seimineáir ghréasáin rialta  agus seisiúin tacaíochta ar fholláine airgeadais, meabhairshláinte, athléimneacht agus bia sláintiúil a reáchtáil.
D’eagraíomar dhá dhúshlán mhóra siúil ar fud na heagraíochta chun stíl mhaireachtála ghníomhach a chur chun cinn. Le linn an 'Dúshlán Céim Mhór' i mí Aibreáin 2021 shiúil muid 41,486km, go leor chun siúl timpeall an domhain agus cuairt ghaisce a dhéanamh timpeall na hÉireann.
Mar chomhlánú ar ár seirbhísí Sláinte Ceirde, thugamar Clár Cúnaimh d'Fhostaithe isteach freisin. Soláthraíonn an t-ardán digiteach rúnda seo rochtain ar chomhairle, ar fhaisnéis agus ar thacaíocht maidir le saincheisteanna sláinte, airgeadais, folláine agus sóisialta.

Developing future talent

Tallann na todhchaí a fhorbairt

Cuireann ár straitéis bainistíochta tallainne ar chumas ár ndaoine a lánacmhainneacht a bhaint amach agus cabhraíonn sé le An Post na scileanna agus na cumais a theastaíonn uainn don todhchaí a fhorbairt.  In 2021:

  • Seoladh Institiúid Ghlas An Post mar chuid dár dtiomantas leanúnach d'fhorbairt ár bpíblíne bhainistíochta agus ceannaireachta. Áirítear leis an Institiúid Ghlas:
    • Ceannaireacht straitéiseach, meantóireacht, agus cláir bainisteoirí túslíne
    • Ár Scéim Tacaíochta Oideachais a thugann tacaíocht airgid d'fhostaithe a gcuid oideachais a chur chun cinn agus a gcumas a fhorbairt
    • Rochtain ar chláir forbartha gairmiúla seachtracha acadaimh.
    • Lean ár gClár do Chéimithe ar aghaidh.
    • Leanamar ar aghaidh lenár ndámhachtainí aitheantais Luachanna i gCleachtas, ag cur ar chumas fostaithe agus bainisteoirí líne ómós a thabhairt dá chéile as ucht a dtiomantais dá gcomhfhostaithe, do chustaiméirí agus dár n-eagraíocht.

You've exceeded the maximum login attempts
Your account has been locked for 30 minutes to prevent fraudulent activity
Your session has timed out
Would you like to log in again to continue?
Marketing Preferences

We have updated our Marketing preferences to give a customised experience of when and how we can contact you.

Let's stay in touch

Get the latest offers and news from the An Post group of companies by:

We have updated our terms of service