Ráiteas maidir le hinrochtaineacht láithreáin ghréasáin agus rochtain míchumais

Ráiteas faoi láithreán gréasáin

Tá An Post tiomanta dá Shuíomh Gréasáin a dhéanamh inrochtana, de réir Rialacháin an Aontais Eorpaigh (Inrochtaineacht Láithreán Gréasáin agus Feidhmchlár Móibíleach Chomhlachtaí na hEarnála Poiblí) 2020. Baineann an ráiteas inrochtaineachta seo le www.anpost.com.

Stádas Comhlíonta

Comhlíonann an suíomh Gréasáin seo go páirteach na Treoirlínte um Inrochtaineacht Ábhar Gréasáin 2.1 leibhéal AA.

Tá An Post tiomanta do shuíomh Gréasáin a sholáthar a bheidh inrochtana don lucht úsáidte is leithne agus is féidir, beag beann ar theicneolaíocht ná ar chumas. Táimid ag obair faoi láthair le IA Labs agus leis an Lárionad Náisiúnta um Fhaisnéis Bhitheicneola (NCBI) lena chinntiú go gcomhlíonfaimid caighdeáin inrochtaineachta. Bímid i gcónaí ag feabhsú eispéireas an úsáideora do chách agus ag cloí leis na caighdeáin inrochtaineachta riachtanacha.

Sainmhínítear sna Treoirlínte um Inrochtaineacht Ábhar Gréasáin (WCAG2.1) na ceanglais do dhearthóirí agus d’fhorbróirí chun inrochtaineacht do dhaoine faoi mhíchumas a fheabhsú.

Ábhar Nach Féidir a Rochtain

•  Níl teacht ar nascleanúint léitheora ar scáileáin/méarchláir fós ar chodanna den suíomh Gréasáin.
•  Níl Nasc Skip to content curtha i bhfeidhm go fóill ar gach leathanach gréasáin.
•  Íomhánna – táimid ag obair maidir leis na híomhánna faoi láthair chun téacs comhthéacsúil eile a chur leo.
• Foirmeacha – táimid ag obair faoi láthair ar bhailíochtú inrochtaineachta agus ag díriú ar láimhseáil earráidí.
•  Táblaí – táimid ag obair chun táblaí a chruthú atá lipéadaithe i gceart agus inrochtana.
•  Nasc téacs – táimid ag obair chun “cliceáil anseo”, “léigh tuilleadh” a bhaint mar aon le naisc ar bith eile nach dtugann comhthéacs. Úsáidfimid ainm uathúil nuair is féidir nó lipéad méith-fheidhmchlár idirlín inrochtana.
•  Níl Inrochtaineacht Doiciméid curtha i bhfeidhm go fóill.
•  Ábhar dea-struchtúrtha agus úsáid mhaith maidir le ceannteidil – táimid ag cruthú cheannteidil struchtúrtha loighciúla ar ár leathanaigh.
•  Comhoiriúnacht tras-oibriúcháin an chórais – níl sé curtha i bhfeidhm go fóill i ngach rannóg. Tá Bileoga Cascáideacha Stíle (CSS) á nuashonrú againn faoi láthair le haghaidh ríomhairí deisce agus ríomhairí móibíleacha. Cairteacha agus grafaic faisnéise – táimid ag obair orthu sin chun roghanna eile téacs a chur ar fáil.
•  Leascleanúint mhóibíleach – mar aon le comhoiriúnacht córas tras-oibríochta, a luaithe is a bheidh CSS nuashonraithe, déanfaimid iniúchadh ar nascleanúint mhóibíleach agus éascú úsáide do léitheoirí scáileáin.

Ullmhú an Ráitis Inrochtaineachta seo

Ba é IA Labs a d’ullmhaigh an Ráiteas seo nuair a rinne IA Labs cumaisc agus iniúchtaí inrochtaineachta uathoibrithe ag baint úsáide as ardáin iolracha Windows (JAWS, NVDA), Mac(Voice Over), iOS (VoiceOver) and Android(TalkBack) agus a n-uirlisí inrochtaineachta dúchais. Cruthaíodh loga mionsonraithe eisiúna i bhfianaise chaighdeán WCAG 2.1. Chuir an tÚdarás Náisiúnta Míchumais (ÚNM) tuarascáil ar fáil freisin ó Uirlis Inrochtaineachta Uathoibrithe inar leagadh béim ar roinnt de na saincheisteanna a aimsíodh. Cuireadh an dá shraith saincheisteanna faoi bhráid na foirne forbartha a cheartaigh na saincheisteanna sin sa chaoi gur chomhlíon an suíomh Gréasáin WCAG 2.1 AA. 

Chruthaigh IA Labs an ráiteas seo i mí Iúil 2022.  
Rinneadh an t-athbhreithniú dheireanach ar an ráiteas i mí Iúil 2022.

Aiseolas agus Faisnéis Teagmhála

Má fhaigheann tú aon fhadhb nach bhfuil liostaithe ar an leathanach seo, déan teagmháil le Access.Officer@anpost.ie

Nós Imeachta Forfheidhmithe

Mura bhfuil tú sásta lenár bhfreagra, nó más mian leat ceist inrochtaineachta a tharraingt anuas nach mbaineann leis an suíomh Gréasáin seo, is féidir leat gearán a dhéanamh tríd an Access.Officer@anpost.ie

Rochtain do dhaoine faoi mhíchumas

Oifigeach rochtana

Cuireann an tAcht um Míchumas, 2005 dualgas ar eagraíochtaí poiblí a chinntiú go bhfuil a gcuid foirgneamh agus seirbhísí poiblí, chomh fada agus is indéanta, inrochtana do dhaoine faoi mhíchumas.

Ról an oifigigh rochtana

Tá An Post tiomanta a áirithiú go bhfuil ár bhFoirgnimh agus ár Seirbhísí inrochtana ag gach duine agus a fhreagrachtaí faoin Acht um Míchumas 2005 a chomhlíonadh. Áirítear leis seo: ach gan a bheith teoranta do:
Rochtain ar ár bhfoirgnimh agus ár seirbhísí Rochtain ar fhaisnéis a chuireann An Post ar fáil.

Oibrímid i gcónaí chun inrochtaineacht ár suíomh Gréasáin agus ár seirbhísí a mhéadú. Tá sé mar aidhm ag An Post na treoirlínte agus na caighdeáin inghlactha maidir le hinrochtaineacht a leanúint cé go bhféadfadh ócáidí a bheith ann nuair nach mbeadh sé indéanta, praiticiúil ná cuí é sin a dhéanamh. Más mar sin atá an cás, cuirfimid é sin in iúl duit agus inseoimid duit faoi roghanna/réitigh eile má bhíonn siad ar fáil.

Féadfaidh an t-Oifigeach Rochtana cabhrú leat maidir le fiosrúcháin agus iarratais faoi rochtain.

Is é Joe Cleary Oifigeach Rochtana an Phoist faoi alt 26(2) den Acht um Míchumas 2005. Tá an tOifigeach Rochtana freagrach as cabhrú le daoine teacht ar sheirbhísí a chuireann An Post ar fáil agus gníomhú go ginearálta mar phointe teagmhála.

Is féidir leat teagmháil a dhéanamh leis an Oifigeach Rochtana trí:
Teil. 01 7057789
Ríomhphost access.officer@anpost.ie
I scríbhinn chuig:
An tOifigeach Rochtana, Joe Cleary
An Post
Foirgneamh EXO
Cé an Phoirt Thuaidh
Baile Átha Cliath 1
DO1 W5Y2

Glaoch go Díreach ar an bhfón: 01 7057789
Ríomhphost: access.officer@anpost.ie

Nósanna imeachta An Post chun déileáil le gearáin faoi alt 38 den Acht um Míchumas, 2005.
 Féadfar gearán a dhéanamh i gcoinne An Post mura gcomhlíonann sé forálacha Ailt 25, 26, 27 agus 28 den Acht um Míchumas, 2005. Baineann na hailt seo den Acht le rochtain ag daoine faoi mhíchumas ar:

· Foirgnimh phoiblí An Post;

· Seirbhísí An Post;

· Seirbhísí arna soláthar do An Post;

· Eolas curtha ar fáil ag An Post

Oifigigh Rochtana faoin Acht um
Míchumas 2005

Tá Oifigeach Rochtana ceaptha ag An Post chun gearáin a dhéantar faoi alt 38 den Acht um Míchumas a fhiosrú. Déanfaidh an tOifigeach Fiosrúcháin imscrúduithe go príobháideach agus soláthróidh sé tuarascáil a déarfaidh
 An bhfuil gearán bailí agat
 Cibé ar theip ar An Post maidir le do ghearán

I gcás inar tharla teip, leagfaidh sé amach na céimeanna atá le glacadh chun comhlíonadh a chinntiú amach anseo. Cuirfear an tuarascáil seo ar fáil do Phríomhoifigeach Feidhmiúcháin An Post agus don té a dhéanann
an gearán.

Gearán a dhéanamh

De réir Alt 39(2) den Acht um Míchumas, 2005 is iad seo a leanas na nósanna imeachta chun gearáin den sórt sin a dhéanamh agus a imscrúdú.
1. Féadfaidh an duine féin gearán a dhéanamh go díreach, nó trína:
o Chéile, a pháirtí, a thuismitheoir nó a ghaol;
o Trína chaomhnóir nó duine atá ag gníomhú in loco parentis don duine sin;
o Trína Ionadaí dlíthiúil;
o Trí abhcóide pearsanta, arna sannadh ag an mBord um Fhaisnéis do Shaoránaigh chun ionadaíocht a dhéanamh ar an duine sin;
o Nó trí dhuine eile a dhéanann abhcóideacht thar ceann an duine sin le cead uaidh (nó uaithi).
2. Ní mór gearán a dhéanamh i scríbhinn, lena n-áirítear ríomhphost, agus ba chóir go soláthrófaí ann sonraí teagmhála uile an té atá ag déanamh an ghearáin.
3. Ba cheart go luafaí sa ghearán gur gearán é faoi Alt 38 den Acht um Míchumas 2005 agus ba cheart, a mhéid is féidir, forais an ghearáin a leagan amach chomh soiléir agus is féidir maidir le mainneachtain An Post rochtain a sholáthar ar a chuid foirgneamh nó seirbhísí.
4. Ní mór an gearán a dhéanamh chuig:
An Príomhoifigeach Feidhmiúcháin
An Post Ard-Oifig an Phoist
Sráid Uí Chonaill
Baile Átha Cliath 1
Teileafón: 01 7057000
5. Tar éis dó an gearán a fháil, cuirfidh an Príomhoifigeach Feidhmiúcháin an cheist faoi bhráid an Oifigigh Rochtana agus cuirfidh seisean nó sise é sin in iúl don té atá ag déanamh an ghearáin.
Gearán a imscrúdú
1. Nuair a fhaigheann an Príomhoifigeach Feidhmiúcháin an gearán, admhóidh an tOifigeach Rochtana go bhfuarthas an gearán don duine a rinne an gearán.
2. Scrúdóidh an tOifigeach Rochtana an gearán le fáil amach an mbaineann sé le mainneachtain líomhnaithe An Post Ailt 25, 26, 27 agus 28 den Acht um Míchumas, 2005 a chomhlíonadh.
3. I gcás ina measann an tOifigeach Rochtana go bhfuil an gearán suaibhreosach nó cráiteach, cuirfidh sé nó sí é sin in iúl don Phríomhoifigeach Feidhmiúcháin agus don duine a rinne an gearán. Seachas sin déanfaidh sé nó sí imscrúdú ar an ngearán.
4. Féadfaidh an tOifigeach Rochtana tuilleadh faisnéise/sonraí a iarraidh ar an té a rinne an gearán agus b’fhéidir go n-iarrfadh sé nó sí go gcuirfí an fhaisnéis/sonraí sin ar fáil laistigh de thréimhse áirithe.
5. Féadfaidh an tOifigeach Rochtana dul i gcomhairle leis na páirtithe go léir is cuí leis nó léi maidir leis an gceist.
6. Le linn an imscrúdaithe féadfaidh an tOifigeach Rochtana agallaimh a dhéanamh le cibé daoine a mheasann sé nó sí a bheith cuí, lena n-áirítear an duine a rinne an gearán, chun faisnéis a fháil.
7. Coinneoidh an tOifigeach Rochtana taifead i scríbhinn ar a (h)imscrúdú.
8. Ullmhóidh an tOifigeach Rochtana tuarascáil i scríbhinn ar thorthaí an imscrúdaithe ina leagfar amach na torthaí mar aon le cinneadh maidir le:
• Cibé ar theip ar An Post an fhoráil ábhartha den Acht um Míchumas a chomhlíonadh; agus
• Má thugann cinneadh dá leithéid le fios go bhfuil teip den sórt sin ann, na céimeanna a chaithfidh An Post a ghlacadh chun forálacha ábhartha an Achta a chomhlíonadh.
9. Tabharfaidh an tOifigeach Rochtana cóip dá thuarascáil don té a rinne an gearán agus don Phríomhoifigeach Feidhmiúcháin.
10. Cuirfear bailchríoch ar imscrúdú an ghearán nuair a chuirfear an tuarascáil ar fáil don duine a rinne an gearán agus don Phríomhoifigeach Feidhmiúcháin.
11. Cuirfear in iúl don ghearánach go bhfuil sé de cheart aige nó aici an cheist a tharchur chuig Oifig an Ombudsman, ar féidir dul i dteagmháil leis nó léi ag: Oifig an Ombudsman, 18 Sráid Líosain Íochtarach, Baile Átha Cliath 2.
Teil: (01) 639 5600
Facs: (01) 6395674
Ríomhphost: ombudsman@ombudsman.gov.ie

An Prótacal seo a fhoilsiú
 Tá Nós Imeachta Gearán An Post, mar a leagtar amach thuas, ar fáil do chustaiméirí An Post i bhformáidí eile, ach é a iarraidh.
 Teil: (01) 7057789
 R-phost: access.officer@anpost.ie