Ag glacadh le hinspioráid ó sheomraí éalaithe, iarrtar ar dhaltaí a scileanna litearthachta agus uimhearthachta a úsáid le dúshlán a chríochnú. Tosaítear le babhtaí cáilithe i mí Mheán Fómhair 2021 - iarrtar ar na daltaí dúshlán simplí a chríochnú le litearthacht agus uimhearthacht le spota a dheimhniú dóibh féin i gceann de na himeachtaí Cloigne Cliste. Beidh dhá imeacht ann i mí Aibreáin 2022, ceann don leibhéal Bunscoile agus ceann don leibhéal Iarbhunscoile. Déanfar na daltaí a thumadh i scéal rúndiamhair gníomhach mar a mbeidh siad páirteach sa scéal iad féin mar phríomhcharachtar agus a scileanna litearthachta agus uimhearthachta faoi thriail trí 10 ndúshlán leis 'an cás a réiteach' ... agus ansin fógrófar curaidh Cloigne Cliste An Post 2022!

Tá an clár corraitheach nua oideachasúil seo oscailte do dhaltaí bunscoile i rang 5 agus 6, agus do dhaltaí sa tSraith Shóisearach san 1ú agus sa 2ú bliain. Fiú mura mbíonn tú páirteach san imeacht, beidh neart acmhainní fós ar fáil duit ar líne le taitneamh as bhaint as litearthacht agus uimhearthacht! Tá na hacmhainní ar fáil ach gliogáil anseo.

Níl le déanamh ach an fhoirm ar ár suíomh gréasáin a chomhlánú le bheith páirteach agus beimid i dteagmháil leat go rialta le gach nuashonrú. Spásanna teoranta ar fáil in 2021. 

Tá a lán duaiseanna iontacha againn do dhaltaí bunscoile agus iarbhunscoile. Tá duaischiste de €3,500 againn i mbliana. Beidh teastas le fáil agat chomh maith. Bí ag faire amach d'fhógra na mbuaiteoirí i mí Aibreáin 2022.

Beidh na foirne cáilitheacha á roghnú againn i mí na Nollag 2021, agus eagrófar na himeachtaí corraitheacha i mí Aibreáin 2022.

Beidh reachtaire beo i mbun na n-imeachtaí, agus iarrfar ar na daltaí 10 ndúshlán a chomhlíonadh. Dhá imeacht a bheidh ann - ceann do dhaltaí bunscoile agus ceann do dhaltaí iarbhunscoile. Faoi réir na dtreoirlínte sláinte poiblí, féadfaidh na himeachtaí tarlú go pearsanta nó ar líne.

Tá! Tá an-chuid gníomhaíochtaí agus acmhainní againn do mhúinteoirí, a bhaineann le Cloigne Cliste agus le stair An Post. Caith súil orthu inár leathanach acmhainní!

Cuntas reatha nua do dhaoine 7-15 bliana d'aois! Le An Post Money Mate, is féidir taitneamh a bhaint as airgead a shaothrú, a shábháil agus a chaitheamh. Faigh níos mó amach maidir le An Post Money Mate.