Praghsanna stampa le méadú an mhí seo chugainn de réir rátaí poist na hEorpa
1 Feabhra 2022
An 1 Feabhra, 2022: Méadóidh An Post an praghas ar stampa bunúsach náisiúnta agus idirnáisiúnta Dé Máirt an 1 Márta 2022. Méadóidh an stampa litreach náisiúnta caighdeánach go €1.25 (€ 1.10 faoi láthair) agus €2.20 (€2.00 faoi láthair) an stampa idirnáisiúnta caighdeánach. Tá na leibhéil seo i bhfad faoi bhun na meántaraifí Eorpacha reatha le haghaidh seirbhísí seachadta litreacha d'ardchaighdeán.
Is é meánphraghas stampa náisiúnta inchomparáide ar fud phríomhthíortha EU14 ( + RA) anois ná €1.58, agus is é €2.27 an muirear inchomparáide ar fud an domhain. Tá seirbhís An Post rátáilte go seasta i measc na n-iompróirí is fearr san Eoraip, ag seachadadh scoth na seirbhíse go náisiúnta agus go hidirnáisiúnta i gcomparáid le hiompróirí Eorpacha. Murab ionann agus go leor cuideachtaí poist a chuir seirbhísí ar fionraí le linn na paindéime, choinnigh An Post seirbhísí ar fud na paindéime, ag tacú le custaiméirí pearsanta agus gnó araon.
I bhfianaise an tionchair ar chustaiméirí pearsanta agus ar FBManna ar postálaithe rialta iad, ní bheidh aon mhéadú ar phraghas leabhrán deich stampa ar phraghas €11.00 (lascaine 15c in aghaidh an stampa). Is féidir le FBManna leas a bhaint freisin as an bpraghas stampála € 1.10 trí Chárta Buntáiste An Post le lascaine mhéadaithe de 12% ar phacáistí stampála níos mó agus beidh lascaine 34% ar phostas beartán ar fáil do gach FBM go deireadh na bliana.
Beidh tacaíochtaí Fócas Pobail An Post, lena n-áirítear postas saor in aisce chuig tithe altranais agus uathu, agus seachadadh nuachtán saor in aisce do chustaiméirí níos sine ar fáil ar feadh tréimhse éiginnte, agus tá ‘Check-Ins’ ag baill foirne seachadta poist ar chustaiméirí níos sine, leochaileacha nó scoite atá ina gcónaí ina n-aonar anois mar chuid chaighdeánach de sheirbhís An Post go náisiúnta.
Léiríonn na praghsanna nua stampaí boilsciú géar ar chostas iompair, breosla agus fuinnimh agus an fíorchostas a bhaineann le seirbhís poist ar fud na tíre a chothabháil le méideanna litreacha traidisiúnta atá ag titim go seasta. Tá méadú suas le 360% tagtha ar phraghsanna idirnáisiúnta aerlasta sa Phaindéim; tá boilsciú costais iompair ag rith ag 18% agus tá méadú 27% ar chostais leictreachais, gáis agus breosla bliain ar bhliain (CSO - Nol 2021). Cuideoidh na muirir phoist nua le leanúnachas seirbhísí litreacha náisiúnta an lae dár gcionn a chinntiú bunaithe ar chustaiméirí a íocann an praghas céanna as litreacha a sheachadadh ar fud na tíre beag beann ar achar, chomh maith le hinfheistíocht leanúnach i seirbhísí litreacha, baill foirne agus bonneagar.
Dúirt David McRedmond, POF An Post
“Cé go bhfuil na méaduithe seo riachtanach chun costais atá ag ardú a chlúdach, agus leanúnachas seirbhíse a chinntiú ar chomhchéim leis an gceann is fearr san Eoraip, déanfaimid an tionchar ar FBManna a mhaolú trí lascainí atá ar fáil dóibh a mhéadú, agus praghas leabhráin deich stampa do thomhaltóirí a reo agus promóisin rialta praghsanna a thairiscint. Tá An Post ag atógáil an bhonneagair phoist don todhchaí trí roghanna nua seirbhíse agus táirge a fhorbairt a oireann don chaoi a mairimid anois agus don dóigh a roghnóimid maireachtáil, oibriú, cumarsáid a dhéanamh agus nascadh amach anseo. Trí nuálaíocht agus trí bhonneagar fisiciúil agus digiteach a thógáil, cosnóimid ár gcustaiméirí agus tacóimid le gnólachtaí Éireannacha atá i mbun gnó sa bhaile agus ag leathnú ar fud na cruinne, agus ag an am céanna cinnteoimid obair shábháilte, chuibhiúil dár bhfoireann.
“Táimid ag cabhrú le todhchaí níos inbhuanaithe a mhúnlú. Tiocfaidh seirbhísí nua, iostaí seachadta agus trealamh ar an bhfód i mbliana agus leathnóimid ár bhflít ríomhfheithicle le haghaidh seachadadh tapa, inbhuanaithe, astaíochtaí nialasacha ”, ar seisean.
Príomhphointí
- Méadóidh praghas an stampa litreach náisiúnta chaighdeánaigh go €1.25, faoi bhun mheán EU14 agus na Ríochta Aontaithe de €1.58.
- Méadóidh an stampa litreach caighdeánach ar fud an domhain go €2.20. Bíonn tionchar ag costais iompair, breosla agus fuinnimh atá ag ardú ar chostas An Post gnó a dhéanamh. Mar oileán, tá tionchar i bhfad Éireann níos mó ag costais eitilte agus lasta ná ag iompróirí Eorpacha eile ar féidir leo brath ar tharlú de bhóthar chun post a iompar.
- Beidh reo praghais ann go dtí deireadh 2022 ar na leabhráin tomhaltóirí € 11 de dheich stampa (coigilt 15c in aghaidh an stampa). Leanfar le lascainí séasúracha agus le promóisin phraghsanna freisin.
- Beidh lascainí méadaithe freisin ar phacáistí stampála níos mó atá ar fáil do FBManna trí Chárta Buntáiste An Post, lascaine 12% ar na rátaí nua chun cabhrú leo filleadh ar théarnamh agus ar fhás.
- Is féidir le FBManna freisin leas a bhaint as lascaine 34% ar phostas beartán le Cárta Buntáiste An Post.
- Méadóidh rátaí bulcphoist faoi 6c agus méadair faoi 10c. Is féidir le postálaithe móra, lena n-áirítear custaiméirí méadar lascainí a fháil le haghaidh postálacha ard toirte.
- Fanann gach stampa atá ann cheana ag a bhfuil ainmníochtaí ‘N‘ (Náisiúnta) agus ’W’ (Ar fud an Domhain) bailí agus inúsáidte go hiomlán tar éis do na praghsanna nua teacht i bhfeidhm Dé Máirt 1ú Márta 2022.
- Chomh maith leis sin ar an 1 ú Márta, tá muirir do bheartáin do thíortha AE á laghdú de réir roghanna ródaithe feabhsaithe. Tá athbhreithniú á dhéanamh ar chriosanna litreach, paicéid agus praghsanna beartán do chodanna éagsúla den Eoraip, ag coinneáil praghsanna ag na rátaí is ísle is féidir, agus ag an am céanna ag léiriú an chostais a bhaineann le post Éireannach a iompar chuig na tíortha sin.
Íoslódáil an treoir maidir le rátaí poist
Íoslódáil an chairt bhalla rátaí poist
Download the guide to postal rates
Download the postal rates wall chart
Download the Bulk Meter discount rates
Download the Bulk Ceadunas discount rates
IBMS pricing rates
