Barr 5 Ceisteanna Coitianta
Má tá tú ag súil le beartán ríomhthráchtála ó d'ordú ar líne, tabhair faoi deara go bhfuil ár lucht foirne ag obair go dian laistigh de na treoirlínte maidir le scaradh sóisialta chun beartáin a sheachadadh a luaithe is féidir. D'fhéadfadh moill tarlú ó am go ham. Is féidir do sheachadadh a rianú ar líne go mear. Déantar nuashonrú i rith an lae agus do sheachadadh á scanadh againn: tig leat seiceáil arís níos déanaí.
Déanfaimid iarracht seachadadh a dhéanamh chuig an seoladh uair amháin ar a laghad. Mura mbíonn aon duine ann le glacadh leis an mbeartán, fágfaimid nóta duit ag míniú conas é a fháil. I measc na roghanna is féidir an beartán a bhailiú nó a athsheachadadh chuig seoladh eile.
Maidir le post damáistithe, ní mór a thuiscint:
- Go ndéantar damáiste go minic mar gheall ar phacáistiú den mhéid contráilte nó de dhroch-chaighdeán.
- Féadfaidh An Post earraí damáistithe a chur i mála plaisteach le tuilleadh damáiste a sheachaint
- Cé go ndéantar gach iarracht a chinntiú go dtiocfaidh do phost slán, gan oscailt agus i ndea-chaoi, is féidir damáiste a dhéanamh do chlúdaigh uaireanta le linn sórtála le meaisín
- Úsáidimid trealamh seachadta uiscedhíonach ach ní féidir linn barántas a thabhairt nach bhfliuchfar an post riamh le linn drochaimsire.
Coinnigh post damáistithe nó oscailte agus aon phacáistiú ionas gur féidir iad a iniúchadh.
Má tá do phost ar iarraidh, damáistithe nó oscailte déan teagmháil le foirm teagmhála. Más fearr leat, is féidir leat an fhoirm a bhailiú i d'oifig poist áitiúil nó san oifig seachadta. Tá sé d'aidhm againn d'fhiosrú a réiteach agus freagra deiridh a thabhairt duit laistigh de na tréimhsí ama thíos:
| Post laistigh d'Éirinn | 30 lá féilire |
| Post chun na hEorpa | 40 lá féilire |
| Post chuig gach ceann scríbe eile | 60 lá féilire |
Déanann An Post earraí poist caighdeánacha a sheachadadh de ghnáth lá nó dhó tar éis iad a phostáil. Is mar gheall ar sheoltaí neamhiomlána, doléite nó míchearta is mó a tharlaíonn moill.
Áirítear i measc cúiseanna eile moille ar sheachadadh:
- Earraí a phostáiltear tar éis bailiúchán deireanach an lae
- Deacrachtaí le rochtain ar an áitreabh
- Post idirnáisiúnta a bheith á láimhseáil ag seirbhísí éagsúla poist agus gníomhairí custaim
- Láimhseáil earraí toirmiscthe
Má bhíonn fógra 'Tá brón orainn gur chaill muid tú' fágtha againn a thugann le fios go raibh iarracht seachadta déanta ag do sheoladh, lean na treoracha sa bhfógra.
Mura bhfuil do phost caighdeánach faighte agat laistigh de chúig lá oibre ón dáta postála, nó 15 lá i gcás poist idirnáisiúnta, molaimid duit ár bhfoirm teagmhála a úsáid nó foirm fiosraithe a phiocadh suas i d’oifig poist nó i d'oifig seachadta áitiúil
