Litir um Thoghchán 

Déanann An Post iarracht na critéir a leanas a chur i bhfeidhm le deimhniú go bhfuil Litir um Thoghchán oiriúnach do sheirbhís postais saor in aisce An Post;
 
Critéir le glacadh le post toghcháin in Olltoghcháin

 Forchoimeádann An Post an ceart chun aon earraí, dar lena thuairim réasúnach, a ghlacadh nó a dhiúltú: 
 

1. más féidir go bhféadfadh siad a bheith ina n-údar náire nó crá dó féin, dá fhostaithe, nó don té a gheobhaidh an t-earra, a d’fhéadfadh a bheith ina leanbh; 
2. a dhéanfaidh dochar, nó a d’fhéadfadh dochar a dhéanamhm dá chlú; 
3. atá toirmiscthe nó srianta de réir dlí nó aon rialachán nó treoirlíne; 
4. atá dainséarach; 
5. atá nó a d’fhéadfadh a bheith clúmhillteach;
6. ina bhfuil ábhar nach mbaineann leis an toghchán;

Tá na critéir thuas bunaithe ar mheasúnú ar na forálacha atá sna hAchtanna Toghcháin, i reachtaíocht poist na hEireann agus sna dlíthe um Fuath agus Clúmhilleadh. Meastar treoirlínte an Choimisiún Toghcháin a bheith ábhartha chomh maith cé go bhfuil cumhachtaí maoirseachta an Choimisiún Toghcháin teoranta do chumarsáid toghcháin ar líne.
 
Tá sé de fhreagracht ar gach iarrthóir a chinntiú nach mbíonn aon cheanglas dlí infheidhme á shárú agus aon athbhreithniú ag An Post chun críche a scéim postais saor in aisce a sholáthar amháin.

Nuashonrú tábhachtach maidir le hiarratais Litir um Thoghchán 

Déanann An Post iarracht seachadadh gach Litir um Thoghchán a shocrú de réir an dualgais reachtúil atá air postas saor in aisce a chur ar fáil. Mar gheall ar an líon iarrthóirí atá níos mó ná riamh roimhe seo a bhfuil Litir um Thoghchán á iarraidh acu sa toghchán seo agus chun na críche sin, tá síneadh á chur ag An Post leis an spriocdháta bunaidh chun Litir um Thoghchán a fháil.
 
Is é an spriocdháta chun Litir chlóite um Thoghchán a fháil ag An Post anois ná 15:00 Dé Luain, an 25 Samhain, in ionad an dúnadh gnó Dé hAoine, an 22 Samhain.
 
Cuimhnigh, áfach, go bhfuil na hiarratais seo faoi réir Litir um Thoghchán seoladh iomlán clóite le seachadadh ag An Post a fháil. Níl An Post freagrach as acmhainneacht na gclódóirí agus ní féidir leis a bheith freagrach mura mbíonn siad in ann d'iarratas a chomhlíonadh. Ba chóir iarratais ar Litir um Thoghchán a dhéanamh trí na gnáthbhealaí.
 
Go raibh maith agat as do thuiscint agus do chomhoibriú. Má tá aon cheist agat nó má tá tuilleadh cúnaimh uait, ná bíodh drogall ort teagmháil a dhéanamh lenár bhfoireann toghcháin  electionteam@anpost.ie